Monday, February 7, 2011

പെങ്ങള്‍ക്ക്.........

ഇന്നലെ ഞാന്‍
എന്റെ പെങ്ങളെ കൊന്നു........

ഓടുന്ന വണ്ടിയില്‍ നിന്നും
തള്ളിയിടുമ്പോള്‍
അവളുടെ നിലവിളി
ഏതൊക്കെയോ പൊള്ളയായ
മനസ്സിന്റെ ഭിത്തികളില്‍
പോയി തറച്ചു.......

ചോരയില്‍ കുളിച്ച
ആ ശരീരത്തിന്റെ
ഞരക്കങ്ങള്‍
റെയില്‍പാളങ്ങളുടെ
വിടുവായത്തത്തിനിടയില്‍
എങ്ങോ നേര്‍ത്തലിഞ്ഞില്ലാതെ ആയി.

അരളിയുടെ ആ പൂവിനെ
ഒറ്റക്കയ്യാല്‍ പിച്ചിയെറിയുമ്പോള്‍
ഞാന്‍ എന്റെ വീട്ടിലെ
കണ്ണീര്‍ സീരിയല്‍ കണ്ടു
കണ്ണു തുടച്ചു.

പൊറുക്കുക,
ഇന്നലെ നിന്നെ കൊല്ലാന്‍
ഈ നെറികെട്ട ലോകത്തോടൊപ്പം,
ഞാനും കൂട്ടു നിന്നു.

എന്നെ ശപിക്കാതിരിക്കുക,
ശിക്ഷിക്കാതിരിക്കുക ......
ഈ കനല്‍ എന്നില്‍ നിന്നും
തട്ടി മാറ്റാതെ ഇരിക്കുക.

ഇതില്‍ ഞാന്‍ വെന്തെരിഞ്ഞില്ലാതെയാവട്ടെ..............

4 comments: