മിഠായി വില്‍പ്പനക്കാരന്‍
കൊണ്ടുപോയ കുരുന്നുകള്‍
അലഞ്ഞു ഗതികെട്ടിപ്പോള്‍
വീട്ടിലേക്ക് വരുന്ന നാള്‍
കൂട്ടം കൂടി ചിരിക്കുന്നോ
അയല്‍പക്കത്തിലുള്ളവര്‍
എതിര്‍പ്പിന്‍ വാളുകള്‍ വീശി
തടുപ്പൂ ഖിന്നരായവര്‍
സ്വത്തു വിറ്റ്‌ തുലച്ചീടാന്‍
കച്ച കെട്ടി മുറുക്കിയോര്‍
ചുറ്റിലും നിന്നു ചൊല്ലുന്നോ
ശാപോക്തികള്‍ അഹര്‍ന്നിശം
രക്തബന്ധത്തെ ശങ്കിച്ചു
ചൊല്ലുന്നൂ ചിലരെങ്കിലും
അമ്മക്ക് മകനെ പുല്‍കാന്‍
രശീതിച്ചീട്ടു വേണമോ
അലച്ചിലാല്‍ നിറം മങ്ങി
വാടിപ്പോയെന്‍ കുരുന്നുകള്‍
കണ്ണീരിന്‍ മണികള്‍ വീഴ്ത്തി
കഴുകുന്നമ്മ മാനസം
നിറമാര്‍ന്ന ഗുണം കെട്ട
മിഠായി തിന്നിവര്‍ വയര്‍
കെട്ടു പോയ്‌ അതിനേകട്ടെ
ഗംഗാതീര്‍ത്ഥ മഹൌഷധി
ചെവിയില്‍ കേട്ടതെല്ലാമേ
ശരിയെന്നു നിനച്ചിവര്‍
ഏകട്ടെ ദിവ്യമാം ഗീതാ-
മകരന്ദസുധാംബുധി
കണ്ണിന്‍ തിമിരബാധക്കായ്
ജ്ഞാനത്തിന്‍റെ ശലാക ഞാന്‍
നീട്ടട്ടെ, വിരിയും കണ്ണില്‍
തിളങ്ങട്ടെ സുദര്‍ശനം
ഓരിയിട്ടു ഭയം കൂട്ടാന്‍
വെമ്പും ചെന്നായ് ഗണങ്ങളേ
ഓമല്‍ക്കിടങ്ങള്‍ ഇവരെ
വിട്ടു ഞാന്‍ തരികില്ലിനി
ചുറ്റിലും നൃത്തമാടുന്നു
വേതളക്കൂട്ടമെങ്കിലും
തെല്ലുമേ ഭയമില്ലെന്‍റെ
മക്കളെ ചേര്‍ത്തണക്കുവാന്‍
വീണ്ടും വര്‍ണ്ണക്കടലാസില്‍
പൊതിഞ്ഞ കൈവിഷങ്ങളെ
ഏല്‍ക്കാതെ കാത്തുസൂക്ഷിക്കാം
നിങ്ങളെ ചിരകാലവും
വെയില്‍ കത്തട്ടെ, കോപത്തിന്‍
കനല്‍ വര്‍ഷിച്ചിടട്ടെ ഹാ
വീട്ടില്‍ മടങ്ങി വന്നോരെ
ഊട്ടട്ടെ എന്‍റെ കൈകളാല്‍
ഗതി കിട്ടാതെ മിഠായി-
ക്കടലാസുകള്‍ പാറവെ
നിങ്ങള്‍ക്കുറങ്ങുവാനായ് ഞാന്‍
പാടട്ടെ എന്‍റെ ഗീതകം
* ചിത്രം കടപ്പാട് - ഗൂഗിള്‍.
കൊണ്ടുപോയ കുരുന്നുകള്‍
അലഞ്ഞു ഗതികെട്ടിപ്പോള്‍
വീട്ടിലേക്ക് വരുന്ന നാള്‍
കൂട്ടം കൂടി ചിരിക്കുന്നോ
അയല്‍പക്കത്തിലുള്ളവര്‍
എതിര്‍പ്പിന്‍ വാളുകള്‍ വീശി
തടുപ്പൂ ഖിന്നരായവര്‍
സ്വത്തു വിറ്റ്‌ തുലച്ചീടാന്‍
കച്ച കെട്ടി മുറുക്കിയോര്‍
ചുറ്റിലും നിന്നു ചൊല്ലുന്നോ
ശാപോക്തികള്‍ അഹര്‍ന്നിശം
രക്തബന്ധത്തെ ശങ്കിച്ചു
ചൊല്ലുന്നൂ ചിലരെങ്കിലും
അമ്മക്ക് മകനെ പുല്‍കാന്‍
രശീതിച്ചീട്ടു വേണമോ
വാടിപ്പോയെന്‍ കുരുന്നുകള്‍
കണ്ണീരിന്‍ മണികള്‍ വീഴ്ത്തി
കഴുകുന്നമ്മ മാനസം
നിറമാര്‍ന്ന ഗുണം കെട്ട
മിഠായി തിന്നിവര്‍ വയര്‍
കെട്ടു പോയ്‌ അതിനേകട്ടെ
ഗംഗാതീര്‍ത്ഥ മഹൌഷധി
ചെവിയില്‍ കേട്ടതെല്ലാമേ
ശരിയെന്നു നിനച്ചിവര്‍
ഏകട്ടെ ദിവ്യമാം ഗീതാ-
മകരന്ദസുധാംബുധി
കണ്ണിന്‍ തിമിരബാധക്കായ്
ജ്ഞാനത്തിന്‍റെ ശലാക ഞാന്‍
നീട്ടട്ടെ, വിരിയും കണ്ണില്‍
തിളങ്ങട്ടെ സുദര്‍ശനം
ഓരിയിട്ടു ഭയം കൂട്ടാന്‍
വെമ്പും ചെന്നായ് ഗണങ്ങളേ
ഓമല്‍ക്കിടങ്ങള്‍ ഇവരെ
വിട്ടു ഞാന്‍ തരികില്ലിനി
ചുറ്റിലും നൃത്തമാടുന്നു
വേതളക്കൂട്ടമെങ്കിലും
തെല്ലുമേ ഭയമില്ലെന്‍റെ
മക്കളെ ചേര്‍ത്തണക്കുവാന്‍
വീണ്ടും വര്‍ണ്ണക്കടലാസില്‍
പൊതിഞ്ഞ കൈവിഷങ്ങളെ
ഏല്‍ക്കാതെ കാത്തുസൂക്ഷിക്കാം
നിങ്ങളെ ചിരകാലവും
വെയില്‍ കത്തട്ടെ, കോപത്തിന്‍
കനല്‍ വര്‍ഷിച്ചിടട്ടെ ഹാ
വീട്ടില്‍ മടങ്ങി വന്നോരെ
ഊട്ടട്ടെ എന്‍റെ കൈകളാല്‍
ഗതി കിട്ടാതെ മിഠായി-
ക്കടലാസുകള്‍ പാറവെ
നിങ്ങള്‍ക്കുറങ്ങുവാനായ് ഞാന്‍
പാടട്ടെ എന്‍റെ ഗീതകം
* ചിത്രം കടപ്പാട് - ഗൂഗിള്‍.
No comments:
Post a Comment