ചെവിയില്‍ ആരവം,
അട്ടഹാസങ്ങളില്‍
മുഴുകും ആക്രോശ ഗര്‍ജ്ജനം,
പൊങ്ങുന്ന മിഴിയില്‍ വാളിന്‍
തിളങ്ങുന്ന ഭീഷണി,
പിറകില്‍ വേദനിപ്പിക്കും
നിലവിളി,
ഇരവിന്‍ ഭ്രാന്തമാം
ഉന്മാദ നര്‍ത്തനം,
കൊടിയില്‍ ഈറന്‍
നിണത്തിന്റെ സ്പന്ദനം.....
-----------
ചളി പുതഞ്ഞൊരു ചെമ്മണ്ണുപാതയില്‍
പതിയും കാലത്തിന്‍
പാദസംസ്പര്‍ശനം,
പുതിയ പുസ്തക ഗന്ധം
മഴക്കൊത്തു കലപിലശബ്ദം,
ബാല്യകുതൂഹലം,
അറിവിന്‍ ആല്‍മരക്കൊമ്പില്‍
കുറുകുന്ന കിളിമകളുടെ
സ്നേഹാര്‍ദ്ര നിസ്വനം,
മിഴിയില്‍ മൂടും അവിദ്യാതിമിരത്തിന്‍
ഉടല്‍ മുറിയുന്ന
ജ്ഞാനാഗ്നി ജ്വാലനം....
--------------
കപടലോകത്തില്‍
അസ്വസ്ഥ ജീവിതം
തിരി കൊളുത്തുന്ന
നാഗര ജീവിതം,
അകമേ വിങ്ങുന്ന
നഷ്ടബോധത്തിന്റെ
തിരിയില്‍ ഓര്‍മ്മതന്‍
ചിത്ര പ്രദര്‍ശനം,
കവിത വറ്റിടും
ഊഷരഭൂമിയില്‍
നിറയും നിസ്സഹായത്വത്തിന്‍
രോദനം,
തിരികെ വീണ്ടും ലഭിക്കാത്ത
ബാല്യവും
നിറയും നന്മയും
ഇറ്റിച്ച നീര്‍ക്കണം...
-------------
മിഴി തുറക്കുന്ന
പുത്തനാണ്ടിന്‍ ചട്ട-
പ്പുറമേ ആരോ
വരഞ്ഞ ചിത്രങ്ങളില്‍,
ചിരിയും കണ്ണീരും
ഒന്നിച്ചു തീര്‍ക്കുന്ന
പുതിയ വര്‍ണങ്ങള്‍ തന്‍
സാന്ദ്രസാഗരം,
ഇരുളും വെണ്ണിലാവൊളിയും
പുല്‍കുന്ന
മനുജഹൃത്തിന്റെ
നേരായ ദര്‍ശനം,
കവിയുടെ നെഞ്ചില്‍
തീയും കുളിരുമായ്
പടരും
അസ്വസ്ഥതയുടെ മര്‍മ്മരം.....
അട്ടഹാസങ്ങളില്‍
മുഴുകും ആക്രോശ ഗര്‍ജ്ജനം,
പൊങ്ങുന്ന മിഴിയില്‍ വാളിന്‍
തിളങ്ങുന്ന ഭീഷണി,
പിറകില്‍ വേദനിപ്പിക്കും
നിലവിളി,
ഇരവിന്‍ ഭ്രാന്തമാം
ഉന്മാദ നര്‍ത്തനം,
കൊടിയില്‍ ഈറന്‍
നിണത്തിന്റെ സ്പന്ദനം.....
-----------
ചളി പുതഞ്ഞൊരു ചെമ്മണ്ണുപാതയില്‍
പതിയും കാലത്തിന്‍
പാദസംസ്പര്‍ശനം,
പുതിയ പുസ്തക ഗന്ധം
മഴക്കൊത്തു കലപിലശബ്ദം,
ബാല്യകുതൂഹലം,
അറിവിന്‍ ആല്‍മരക്കൊമ്പില്‍
കുറുകുന്ന കിളിമകളുടെ
സ്നേഹാര്‍ദ്ര നിസ്വനം,
മിഴിയില്‍ മൂടും അവിദ്യാതിമിരത്തിന്‍
ഉടല്‍ മുറിയുന്ന
ജ്ഞാനാഗ്നി ജ്വാലനം....
--------------
കപടലോകത്തില്‍
അസ്വസ്ഥ ജീവിതം
തിരി കൊളുത്തുന്ന
നാഗര ജീവിതം,
അകമേ വിങ്ങുന്ന
നഷ്ടബോധത്തിന്റെ
തിരിയില്‍ ഓര്‍മ്മതന്‍
ചിത്ര പ്രദര്‍ശനം,
കവിത വറ്റിടും
ഊഷരഭൂമിയില്‍
നിറയും നിസ്സഹായത്വത്തിന്‍
രോദനം,
തിരികെ വീണ്ടും ലഭിക്കാത്ത
ബാല്യവും
നിറയും നന്മയും
ഇറ്റിച്ച നീര്‍ക്കണം...
-------------
മിഴി തുറക്കുന്ന
പുത്തനാണ്ടിന്‍ ചട്ട-
പ്പുറമേ ആരോ
വരഞ്ഞ ചിത്രങ്ങളില്‍,
ചിരിയും കണ്ണീരും
ഒന്നിച്ചു തീര്‍ക്കുന്ന
പുതിയ വര്‍ണങ്ങള്‍ തന്‍
സാന്ദ്രസാഗരം,
ഇരുളും വെണ്ണിലാവൊളിയും
പുല്‍കുന്ന
മനുജഹൃത്തിന്റെ
നേരായ ദര്‍ശനം,
കവിയുടെ നെഞ്ചില്‍
തീയും കുളിരുമായ്
പടരും
അസ്വസ്ഥതയുടെ മര്‍മ്മരം.....
No comments:
Post a Comment