നിന്റെ മെസ്സേജുകള്‍ കൂകി വിളിച്ചെന്‍
നെഞ്ചില്‍ കുത്തിക്കേറരുത്
അമ്മ കുഴച്ചു തരുന്നൊരു ചോറിന്‍
സ്വാദുകള്‍ നാവില്‍ ഊറരുത്
പാടാനേറെ മോഹിക്കും കവിതാസുധ
എന്നില്‍ തൂവരുത്
നീല ജനാല വിരിപ്പുകള്‍ നീക്കി
താരകമെന്നെ നോക്കരുത്
ആടിയുലഞ്ഞിടും വാകകള്‍ ഗോപിക-
ഗീതികള്‍ വീണ്ടും പാടരുത്
കാറ്റില്‍ മറഞ്ഞു വരുന്നൊരു നാടന്‍
പാട്ടുകള്‍ കാതില്‍ വീഴരുത്
കോര്‍ത്തൊരു പിച്ചക മാലകളെല്ലാം
വാടാതെങ്ങുമിരിക്കരുത്
കൂരിരുളാണ്ട മനസ്സില്‍ നിലാവിന്‍
നീല വെളിച്ചം വീഴരുത്
കീറി മുറിഞ്ഞ മനസ്സില്‍ ദയാര്‍ദ്ര-
മാമൊരു കൈവിരല്‍ ഏല്‍ക്കരുത്
ഭ്രാന്തന്‍ കവിതകള്‍ എഴുതിത്തീര്‍ക്കാന്‍
കടലാസ് പോലും കിട്ടരുത്....
പുലരികളില്‍ പുതുമണം വാര്‍ന്നെന്നെ ജീവിത
ക്കൊതിയിലേക്കാനയിക്കാതെ ഇരിക്കണം
കുളിരും ധനുമാസ രാത്രി തന്നോര്‍മ്മകള്‍
തരളമായ് തൊട്ടുണര്‍ത്താതെയിരിക്കണം
മൃടുലമായ് ഹൃദയത്തില്‍ മീട്ടുന്ന ഭൈരവീ-
സ്വരരാഗഗംഗയില്‍ മുങ്ങാതിരിക്കണം
നിരഘമാം കുഞ്ഞിന്റെ പുഞ്ചിരി പോലെ നിന്‍
സ്മരണകള്‍ എന്നെ തോടാതെയിരിക്കണം
എങ്കില്‍ ഈ ഏകാന്ത രാത്രിയില്‍ ഞാനെന്റെ
സങ്കടമെല്ലാം കരഞ്ഞു പറഞ്ഞിടാം
എങ്കില്‍ ഞാന്‍ വീണ്ടും പുലരി വിടര്‍ത്തുന്ന
തങ്കമലരുകള്‍ കാണാതിരുന്നിടാം
വീണ്ടും തിരിച്ചു വാരാത്തവണ്ണം ഒരു
നീണ്ട യാത്രക്ക് ഞാന്‍ പോകാനൊരുങ്ങിടാം
സ്നേഹം ഒഴുകുന്നോരെന്‍ ഹൃദയം തന്നു
ദേഹമുപേക്ഷിച്ചു ഞാന്‍ വിട വാങ്ങിടാം//
നെഞ്ചില്‍ കുത്തിക്കേറരുത്
അമ്മ കുഴച്ചു തരുന്നൊരു ചോറിന്‍
സ്വാദുകള്‍ നാവില്‍ ഊറരുത്
പാടാനേറെ മോഹിക്കും കവിതാസുധ
എന്നില്‍ തൂവരുത്
നീല ജനാല വിരിപ്പുകള്‍ നീക്കി
താരകമെന്നെ നോക്കരുത്
ആടിയുലഞ്ഞിടും വാകകള്‍ ഗോപിക-
ഗീതികള്‍ വീണ്ടും പാടരുത്
കാറ്റില്‍ മറഞ്ഞു വരുന്നൊരു നാടന്‍
പാട്ടുകള്‍ കാതില്‍ വീഴരുത്
കോര്‍ത്തൊരു പിച്ചക മാലകളെല്ലാം
വാടാതെങ്ങുമിരിക്കരുത്
കൂരിരുളാണ്ട മനസ്സില്‍ നിലാവിന്‍
നീല വെളിച്ചം വീഴരുത്
കീറി മുറിഞ്ഞ മനസ്സില്‍ ദയാര്‍ദ്ര-
മാമൊരു കൈവിരല്‍ ഏല്‍ക്കരുത്
ഭ്രാന്തന്‍ കവിതകള്‍ എഴുതിത്തീര്‍ക്കാന്‍
കടലാസ് പോലും കിട്ടരുത്....
പുലരികളില്‍ പുതുമണം വാര്‍ന്നെന്നെ ജീവിത
ക്കൊതിയിലേക്കാനയിക്കാതെ ഇരിക്കണം
കുളിരും ധനുമാസ രാത്രി തന്നോര്‍മ്മകള്‍
തരളമായ് തൊട്ടുണര്‍ത്താതെയിരിക്കണം
മൃടുലമായ് ഹൃദയത്തില്‍ മീട്ടുന്ന ഭൈരവീ-
സ്വരരാഗഗംഗയില്‍ മുങ്ങാതിരിക്കണം
നിരഘമാം കുഞ്ഞിന്റെ പുഞ്ചിരി പോലെ നിന്‍
സ്മരണകള്‍ എന്നെ തോടാതെയിരിക്കണം
എങ്കില്‍ ഈ ഏകാന്ത രാത്രിയില്‍ ഞാനെന്റെ
സങ്കടമെല്ലാം കരഞ്ഞു പറഞ്ഞിടാം
എങ്കില്‍ ഞാന്‍ വീണ്ടും പുലരി വിടര്‍ത്തുന്ന
തങ്കമലരുകള്‍ കാണാതിരുന്നിടാം
വീണ്ടും തിരിച്ചു വാരാത്തവണ്ണം ഒരു
നീണ്ട യാത്രക്ക് ഞാന്‍ പോകാനൊരുങ്ങിടാം
സ്നേഹം ഒഴുകുന്നോരെന്‍ ഹൃദയം തന്നു
ദേഹമുപേക്ഷിച്ചു ഞാന്‍ വിട വാങ്ങിടാം//
No comments:
Post a Comment