ഒഴുകിടാനായി നിന്നിലേക്കുള്ളൊരെന്‍
വഴികളെല്ലാം അടഞ്ഞു പോകുമ്പോഴും
നിറമിഴിയില്‍ നിരാലംബ ജീവിതം
നിഴലിടുന്നതു കണ്ടിരിക്കുമ്പൊഴും
അതിവിശുദ്ധ പഥഭ്രഷ്ടനായൊരു
പതിതകാമുകന്‍ ഞാന്‍ എന്നറികിലും
ഇനിയുമേതോ പദസ്പര്‍ശനം കൊണ്ടെന്‍
ഉയിരു പൂവിടും എന്നു കൊതിപ്പു ഞാന്‍
മരണഗാഥകള്‍ കൊണ്ടു നിറഞ്ഞൊരെന്‍
സ്മരണ തോറും ഒഴുകും നിണത്തിലെന്‍
മുറിവു പൊട്ടി ഒലിക്കുന്ന നീലച്ച
രുധിരബാഷ്പം കലര്‍ന്നു കാണുമ്പൊഴും
കുഴയും കണ്ണില്‍ അദൃഷ്ടലോകത്തിലെ
ജലപിശാചുകള്‍ വീണിഴയുമ്പൊഴും
വിധുമുഖത്തെ മറച്ചു കടവാവല്‍
ചിറകടിച്ചു പറന്നു പോകുമ്പൊഴും
വെറുതെ ആശിച്ചു പോകും നിലാവല
പുഴ കടന്നു വരുമെന്നു പിന്നെയും
വെറുതെ മോഹിച്ചിടും പുലര്‍കാലമെന്‍
തൊടിയിലൂടെ വരുമെന്നു പിന്നെയും
ഇനിയുമെല്ലാം നശിച്ചില്ല എന്നു ഞാന്‍
വെറുതെ ഉള്ളില്‍ നിനക്കുന്നിതിപ്പൊഴും
ഇരുളലയുടെ അറ്റത്തു നേര്‍ത്തൊരു
തരി വെളിച്ചം ഞാന്‍ കാണുന്നിതിപ്പൊഴും
വഴികളെല്ലാം അടഞ്ഞു പോകുമ്പോഴും
നിറമിഴിയില്‍ നിരാലംബ ജീവിതം
നിഴലിടുന്നതു കണ്ടിരിക്കുമ്പൊഴും
അതിവിശുദ്ധ പഥഭ്രഷ്ടനായൊരു
പതിതകാമുകന്‍ ഞാന്‍ എന്നറികിലും
ഇനിയുമേതോ പദസ്പര്‍ശനം കൊണ്ടെന്‍
ഉയിരു പൂവിടും എന്നു കൊതിപ്പു ഞാന്‍
മരണഗാഥകള്‍ കൊണ്ടു നിറഞ്ഞൊരെന്‍
സ്മരണ തോറും ഒഴുകും നിണത്തിലെന്‍
മുറിവു പൊട്ടി ഒലിക്കുന്ന നീലച്ച
രുധിരബാഷ്പം കലര്‍ന്നു കാണുമ്പൊഴും
കുഴയും കണ്ണില്‍ അദൃഷ്ടലോകത്തിലെ
ജലപിശാചുകള്‍ വീണിഴയുമ്പൊഴും
വിധുമുഖത്തെ മറച്ചു കടവാവല്‍
ചിറകടിച്ചു പറന്നു പോകുമ്പൊഴും
വെറുതെ ആശിച്ചു പോകും നിലാവല
പുഴ കടന്നു വരുമെന്നു പിന്നെയും
വെറുതെ മോഹിച്ചിടും പുലര്‍കാലമെന്‍
തൊടിയിലൂടെ വരുമെന്നു പിന്നെയും
ഇനിയുമെല്ലാം നശിച്ചില്ല എന്നു ഞാന്‍
വെറുതെ ഉള്ളില്‍ നിനക്കുന്നിതിപ്പൊഴും
ഇരുളലയുടെ അറ്റത്തു നേര്‍ത്തൊരു
തരി വെളിച്ചം ഞാന്‍ കാണുന്നിതിപ്പൊഴും
No comments:
Post a Comment