കത്തും നെയ്ത്തിരി നാളവും, ഉരുളിയില്‍ ഗ്രന്ഥം, ഫലം, കോടിയും,
പുത്തന്‍ പൊന്‍കണിവെള്ളരിക്ക, അരിയും, നാണ്യങ്ങളും, സ്വര്‍ണ്ണവും
ഒത്തിങ്ങിന്നെതിരേറ്റിടുന്ന പുതുതാം വര്ഷം നമുക്കാകവേ
ചേര്‍ത്തീടട്ടെ ശുഭാപ്തിയും, പുതിയതാം നേട്ടങ്ങളും, നന്മയും//
ചേലില്‍ ചീകിയൊതുക്കി വെച്ച മുടിയില്‍ ചൂടിച്ച പൂമാലയും,
പീലിക്കണ്ണ്, ദയാര്‍ദ്രമായ നയനം, മഞ്ഞത്തുകില്‍, ഗോപിയും,
കാലിക്കോലുമൊരോടതന്‍ കുഴലുമായ് എന്നും തെളിഞ്ഞീടുക
നീലക്കാര്‍മുകില്‍ വര്‍ണ്ണനെന്റെ കണിയായ് എന്നും മനക്കാമ്പിതില്‍//
പാകം വന്നൊരഹം പിളര്‍ന്നതില്‍ മഹാജ്ഞാനത്തിന്‍ സ്നേഹം പകര്‍-
ന്നാകെ മൂടിന കൂരിരുട്ടിലുദയം കൊണ്ടീടുമാ ജ്യോതിയില്‍
വാകച്ചാര്‍ത്തണിമെയ്യുമായി വരുമാ ഗോപാലവേഷത്തിലെന്‍
മേഘശ്യാമനിലാറിടട്ടെ ഹൃദയം ചെന്താമരക്കണ്ണനില്‍//
വീണ്ടും വന്നു മടങ്ങുകെന്റെ വിഷുവേ, കൊന്നക്കിലുക്കത്തൊടെന്‍
ആണ്ടില്‍ നന്മ നിറക്കുകെന്റെ ഹൃദയേ സ്നേഹം ചൊരിഞ്ഞീടുക/
തീണ്ടീടാത്ത കരക്കു മേലെ ഇവനെ കൊണ്ടിട്ടു പോരുമ്പൊഴും
നീണ്ടീടട്ടെ കരങ്ങളെന്നെ പുണരാന്‍ മേടപ്പുലര്‍കാലമേ//
മേടം പൊന്‍കണി വെച്ചിടുന്നു ഗുരുവായൂരപ്പനായ് കൊന്നകള്‍
പാടെ പൂത്തു തളിര്‍ത്തിടുന്നിതവയില്‍ പാടും വിഷുപ്പക്ഷികള്‍
നാടാകെ പുതുമോടിയാര്‍ന്നുണരുമീയാണ്ടിന്‍ ഉഷഃസന്ധ്യയില്‍
നേടട്ടെ ഭവദാശകള്‍ പുതിയതാം മാനങ്ങള്‍!! ആശംസകള്‍!!!!
പുത്തന്‍ പൊന്‍കണിവെള്ളരിക്ക, അരിയും, നാണ്യങ്ങളും, സ്വര്‍ണ്ണവും
ഒത്തിങ്ങിന്നെതിരേറ്റിടുന്ന പുതുതാം വര്ഷം നമുക്കാകവേ
ചേര്‍ത്തീടട്ടെ ശുഭാപ്തിയും, പുതിയതാം നേട്ടങ്ങളും, നന്മയും//
ചേലില്‍ ചീകിയൊതുക്കി വെച്ച മുടിയില്‍ ചൂടിച്ച പൂമാലയും,
പീലിക്കണ്ണ്, ദയാര്‍ദ്രമായ നയനം, മഞ്ഞത്തുകില്‍, ഗോപിയും,
കാലിക്കോലുമൊരോടതന്‍ കുഴലുമായ് എന്നും തെളിഞ്ഞീടുക
നീലക്കാര്‍മുകില്‍ വര്‍ണ്ണനെന്റെ കണിയായ് എന്നും മനക്കാമ്പിതില്‍//
പാകം വന്നൊരഹം പിളര്‍ന്നതില്‍ മഹാജ്ഞാനത്തിന്‍ സ്നേഹം പകര്‍-
ന്നാകെ മൂടിന കൂരിരുട്ടിലുദയം കൊണ്ടീടുമാ ജ്യോതിയില്‍
വാകച്ചാര്‍ത്തണിമെയ്യുമായി വരുമാ ഗോപാലവേഷത്തിലെന്‍
മേഘശ്യാമനിലാറിടട്ടെ ഹൃദയം ചെന്താമരക്കണ്ണനില്‍//
വീണ്ടും വന്നു മടങ്ങുകെന്റെ വിഷുവേ, കൊന്നക്കിലുക്കത്തൊടെന്‍
ആണ്ടില്‍ നന്മ നിറക്കുകെന്റെ ഹൃദയേ സ്നേഹം ചൊരിഞ്ഞീടുക/
തീണ്ടീടാത്ത കരക്കു മേലെ ഇവനെ കൊണ്ടിട്ടു പോരുമ്പൊഴും
നീണ്ടീടട്ടെ കരങ്ങളെന്നെ പുണരാന്‍ മേടപ്പുലര്‍കാലമേ//
മേടം പൊന്‍കണി വെച്ചിടുന്നു ഗുരുവായൂരപ്പനായ് കൊന്നകള്‍
പാടെ പൂത്തു തളിര്‍ത്തിടുന്നിതവയില്‍ പാടും വിഷുപ്പക്ഷികള്‍
നാടാകെ പുതുമോടിയാര്‍ന്നുണരുമീയാണ്ടിന്‍ ഉഷഃസന്ധ്യയില്‍
നേടട്ടെ ഭവദാശകള്‍ പുതിയതാം മാനങ്ങള്‍!! ആശംസകള്‍!!!!
No comments:
Post a Comment